Matardagbók - lok viku 5. Helgar ruglið... :S

Laugardagur: Ekkert labb, setti bara vagnin út og fór að taka til, það er bara svo freistandi að nota tíman meðan Dásemdin sefur.

Morgun: Bláberja smoothie og vítamínin.

Hádegi: Afgangur af hentusteik frá kvöldinu áður, borðaði bara allt sullið kalt, það var alveg jafn gott...svo gott að ég bókstaflega sleikti diskinn.

Ath: Bakaði impossible pie, til að eiga yfir helgina svo ég héldi mig á beinu brautinni.

Kaffi: Impossible pie og te....súkkulaðikaka m/rjóma!! :S

Ath: Mamma kom með eplalengju, punga og kelinur, ok ég ræð við það, held mig við mitt Imposs pie, svo koma Siss og kallinn hennar með Súkkulaði tertu!! Þá hrundu allar varnir og ég fékk mér smá...en þá meina ég smá.

Kvöld: Man bara ekki hvað það var...jú alveg rétt. Nenntum ekki að elda, ég fékk mér eina sneið af hnetusteikinni sem var ein eftir því meðlætið kláraði ég í hádeginu. Kallinn poppaði og ég bjó til safa svo við fengjum einhverja nærinu...sá eini af unglingunum sem var heima fékk cherrios í kvöldmat :S já það eru ekki allir dagar heilsuadagar í latabæ.

Sunnudagur: Labb með Esju, vagninn og manninn

Morgun: Helgar hafragrautur + safi

Hádegi: Delba með lifur og linsoðnu eggi og Rooibosch te

ATH: Rooibosch er suður afrískt te, fullt af andoxunarefnum og milt á bragðið (líkast melrose tei, af jurta teum)það er sett á pelana í Suður-afríku.

Kaffi: Impossible pie sneið og smá biti hnetusteik.

Kaffi 2: Fjórar vatnsdeigs bollur (litlar...en nógu stórar) með búðing og glássúr.

ATH: Vorum boðin í snemmbúið bollukaffi hjá tengdó, svo ég fékk mér restina af impossible pie og restina að hnetusteik (pínu biti) ætlaði að vera södd þegar ég kæmi í boðið svo ég léti bollurnar í friði. Ég tók meira að segja afgangin af súkkulaðitertunni með í boðið svo hún þvældist ekki fyrir okkur hér heima meir. En ég datt í bollurnar og ekki nóg með það við fengum fullan kassa af bollum með heim og mest alla kökuna aftur í poka.

Kvöld: Tvær Tortilla með pestó, tómatsalsa, avocado, kjúkling...roooosa gott. (koma myndir af því)

Kvöld snakk:( tvær bollur og súkkulaðiköku sneið.

ATH: Búin að vera rugl helgi ég orðin orkulaus og með meiri verki og slen en ég hef haft í langan tíma. Þegar nágranni minn kom til að fá lánað Alians, lét ég hana hafa kökuna í kaupbæti. En bollurnar eru enn í kassa í ískápnum...úff

En nú hefst ný og betri vika með blóm í haga...gott gums í maga :)

Hvað er hægt að gera? Örþreyttar Nýrnahettur...

Önnur ástæða fyrir Vefjagigt getur verið "örþreyttar nýrnahettur". Örþreyttar nýrnahettur (Adrenal fatigue) spila stórt og vel rannsakað - en samt næstum algjörlega hunsað - hlutverk í síþreytu og vefjagigt. Rannsóknir sýna að þetta er ein af aðal ástæðum vefjagigtar og stafar af nýrnahettum sem eru minni en eðlilegt er og við mikið álag og stress verða hormóna viðbrögð þessara litlu nýrnahetta truflað eða lakara. Með öðrum orðum, þá á fólk sem fær vefjagigt oft erfiðara með að bregðast við stressi og álags aðstæðum. Hvort vefjagigtin er vegna þess að viðkomandi er með minni nýrnahettur og óvirkari en eðlielgt er eða vegna of mikils stress og álags í langan tíma, veit enginn með vissu.

Þetta álag á nýrnahetturnar getur svo aftur leitt til truflunar á starfsemi skjaldkirtils, sem er mjög oft raunin hjá fólki með vefjagigt. En þetta ástand er ekki eitthvað sem ekki er hægt að laga. Næring og lífsstíls breytingar geta bætt viðbrögð nýrnahettana við stressi. Það tvennt sem er mest áríðandi til að byggja upp og styðja við nýrnahetturnar er að:

- FÁ GÓÐAN og NÆGAN SVEFN
- Taka Magnesíum í STÓRUM skömmtum

*þá mæli ég með magnesíum duftinu Slökun, tvær kúfaðar tsk í heitt vatn fyrir svefn og þú slærð tvær flugur í einu höggi...færð magnesíum í stórum skammt og frábæra hvíldar nótt :)

Það vill svo vel til að magnesíum sem er lykil efni í framleiðslu á nýrnarhettu hormónum ásamt Melatonin, er einnig ef tekið í stórum skömmtum besta leiðin til bæta svefn-órelgu. Magnesíum er algjörlega nauðsynlegt, en líka algjörlega vantmetið næringarefni til að draga úr einkennum vefjagigtar. Það er reyndar svo sterk tengsl milli vefjagigar og magnesíum að það á sína eigin netsíðu...fer betur út í það síðar.

Matardagbók vika 5. Mán- Föst.

Mánudagur:

morgun: Delba m/eggi og agnar ögn af kavíar + morgun safi

Hádegi: Kjöt + grjón - afgnagur af pottrétt frá mömmslu

Snakk: Söl og sykurl. súkkulaði

Kvöld: Hýðis.grjón, grænt grænmeti og salat og kókosvatn

Kv.snakk: Banana kaka og kókosvatn

Þriðjudagur: Svaf illa, vaknaði snemma (7:30) lagði mig seinna, finnst það vont því þá verð ég svo mygluð og löt:S

Morgun: Safi

Ath: fót svo út að labba með barn og hund. Fór svo heim og fékk mér 3 döðlur og svo beint í PP. Ekki sniðugt og hefði mátt vita, fékk blóðsykursfall eftir PP, skjögraði heim í hádegismat.

Hádegi: Grjón og grænmeit (frá gærkveldi) + niðurskorin kjúkklingabringa og safi dagsins

Kaffi: Bananakaka og te.

Ath: Kakan var oðrin vond, þurr og ál bragð af henni svo ég hennti sneiðinni og restini af kökunni.

Kvöld: Laxarúlla úr Fylgifiskum og salat.

ATH:Ég og frumburðurinn og krónprinsinn minn vorum ein heima svo ég lét eftir honum að kaupa laxarúllur hjá Fylgifiskum - hann er búin að byðja um þetta í amk tvö ár, keypti þetta oft þegar við bjuggum ein, ég og drengirnir minir tveir, en ekkert síðan ég flutti í Hafnarfjörð. Ég fékk reyndar ekki að klára mína rúllu því drengurinn var fljótur með sína og horfði svo ágirndar augum á mína, svo ég gaf honum rest. Maður dekrar þessa drengi...svo er hveiti í tortillunni utan um laxinn svo ég átti ekki að vera að borða þetta hvort sem er.

Miðvikudagur: Labb með hund og barn...PP pása, er óglatt og smá áhuggjur af að vera óló...það gengi nú að mér dauðri :S

Morgun: Safi og Smoothie úr möndlumjólk mangó, kókosflögum og fræjum.

Hádegi: Grjón og grænmeti, bætti eggi út í þegar ég var að hita á pönnu, og safi.

Snakk: Sykurlaust Perlége Orange...mmm sjúklega gott

Snakk: Döðlur og söl, svo seinna safi og pik nik (var í svona át kasti)

Kvöld: Crazy góð samloka ala Kela m/ Bacon, mozzarella, ítalskt tómatsalsa og pestó.

ATH: Ég notaði spelt brauð en karlarnir mínir fengu samlokubrauð.

Fimmtudagur: Labb með hund og barn og kall!!! úlalla gerist ekki oft.
Ennþá í PP pásu vegna ógleði :S

Morgun: Haframjöl m/rúsínum, xylitol, kakóduft og möndlumjólk, var löt og fékk mér eitthvað fljótlegt :S

Hádegi: Speltbrauð með ítölsku tómatsalsa og pestó og linsoðið egg on the side.

Kaffi: Kókosvatn og Perlége m/orange

ATH: Fékk pass fyrir prinsessu og fór að skutla frumburði og fimm félögum hans uppí Bláfjöll í einnar nætur gistigaman. Svo keyrði ég ein heim fjallbaks leiðina til Hafnó. Át súkkulaðið og teigaði kókosvatnið á leiðinni heim, leið svona eins og útlaga einn á ferð í auðninni engum háður...svona er fábreytt líf húsmóður í fæðingarorðlofi :)

Kvöld: Heilgrillaður Krónu kjúlli og góður grænmetissafi - sellerí, gúrka, epli, sítróna, spínat - og þetta drekkur kallinn og líkar vel...en getur ekki étið grænmetið sjálft.

ATH: Við skötuhjú vorum ein og stórubarnalaus svo við höfðum þetta bara MJÖG einfalt og gott...tættum í okkur kjúllan með guðsgöflunum og sötruðum safann með :)

Föstudagur: Tók óló próf...kom út í mínus....sem BETUR fer!! :D ekki fleiri kríli á dagskrá þó yndisleg séu :)

Morgun: "Helgarhafragrautur" m/möndlumjólk

Hádegi: Hrökkbrauð, reyktur lax, egg, gúrka, tómatar, paprika, hvítmyglu ostur og vínber og te...fór í hádegis snarl með góðum konum...gestgjafinn keypti lífrænt spelt hrökkbrauð fyrir mig, sæt í sér :)

Snakk: Pikk Nik og kjúllinn frá kvldinu áður, siss og gamli hjálpuðu mér að klára pik nikkið thank god...þá þvælist það ekki fyrir mér :)

Kvöld: Hnetusteik m/ sætumkartöflum, sellerírót og fennel í ofni, GóÐU salati og sveppasósu ala kela (kókosmjólk, sveppateningur frá Kalló og sveppir í sneiðum- einfalt)

Síðar: Kallinn keypti ís á línuna, ég afþakkaði, en freistaðist svo til að fá mér tvær skeiðar...sem betur fer var þetta ekki gamaldags ís, annars hefði ég ekki getað hætt. Í er erfið freisting...

matardagbók - rest af viku 4.

Fimmtudagur:

Morgun: Safi + Hvannarbrauð með lambakæfu (frá Kjarnafæði er msg laus)

Hádegi: Grjón + kjúlli og grænmeti (blaðlaukur, kúrbítur, brokkólí og tamarí)

Snakk: SÖl + hnetur

Kaffi: Hvannarbrauð og Holle brjósta te.

Kvöld: Soðin ýsa, lífrænar kartöflur, rófustappa og hamsatólg

Hreyfing: PP og labb

Föstudagur: Óveður og svefnlaus nótt...áður fyrr hefði veðrið EKKI haldið mér vakandi :S

Morgun: Haframjöl, xylitol, rúsínur og haframjólk

Hádegi: Fiskur frá gærkveldi, endur hitaður og stappaður með sméri.

Kaffi: Bananakaka og holle brjósta te

Kvöld: Matur hjá mömmu, Nautakjötspottréttur, hrásalat, græntsalat og eitt snittubrauð (úps) og svo Royal karmellu búðingur með rjóma í eftirrétt.

Ath: Fékk mér búðing þó ég hafi tekið með mér bananaköku í nesti, því ég vissi að það yrði eftirréttur hjá mömmu, en fékk mér samt búðinginn veit ekki afhverju...hann er ekki svo freistandi, var bara kærulaus í ruglinu :S

Þreytt og orkulaus í dag...enda svaf ég lítið í nótt en er samt að hamast í tiltekt...okkur konum er ekki viðbjargandi.

Hreyfing: Engin...vont veður

Laugardagur: svaf dásmalega vel, enda ekkert óveður og allt svo afslappað, enginn að vakna snemma og fara í skóla eða vinnu, bara friður :)

Morgun: safi + Helgar hafragrautur - eldaður með eggjahvítu og banana, rúsínum og setti svo kanil og heimagerða möndlumjólk útá.

Hádegi: Sólkjarnabrauð (brauðhúsi) með lambakæfu + safi dagsins

Kaffi: Koffínlaus soya latte með sykurlausu sýrópi og bananakaka

Ath: Hafiði heyrt annað eins, latte með engu!! Fór á kaffihús og langaði að vera memm...pantaði þennan latte og borðaði banaköku sem ég tók með mér í nestisboxi :)

Kvöld: Lagange m/lamba og nautahakki og mikið græntsalat.

Ath: Minn elskulegur eldaði aldrei þessu vant, þetta er sérrétturinn hans "pakka" lasange...ég ekki hrifin en drengirnir elska þetta. Svo ég valdi pakka lasange frá Knorr sem á stendur naturligt...engin geymsluefni og aukaefni - reikna því með að þetta hafi verið MSG laust. En plöturnar voru smat sem áður úr hveiti...þorði ekki að fara fram á þeim yrði skipt út frir spelt plötur :S

Kósý: Sódavatn m/lime, Pik Nik og sykurlaust súkkulaði.

Ath: eurovision kvöld og nammi kvöld - búin finna besta sykurlausa súkkulaði í heimi sem heitir Perlége og fæst í Fjarðarkaupum. Ég er meira að segja hætt að fá í magan af því ;) Búin að smakka Violete og Cocoa nibs....jummy jummy!!

Hreyfing: PP

Sunnudagur: Svaf aftur eins og engill :) Stóri tiltektar dagur, það tók á lítinn kropp (wishfull thinking:) :S

Morgun: Helgar-hafragrautur og safi

Hádegi: Ristað Delba með lambakæfu + safi

Kaffi: Spelt vöfflur m/rjóma og sultu, bananakaka, vínber + ostur, smá eplakaka, heitt súkkulaði m/rjóma.

Ath: Fékk "sjaldgæfa" og "algenga" gesti og marga. Og var með veitingar við allra hæfi. Gerði bæði spelt og venjulegar vöfflur og ég held svei mér að spelt hafi verið vinsælli. En ég missti mig í það sem ég átti að láta eiga sig, ekkert mikið en nóg samt.

Kv: Pottréttur með rúsínum, appelsínum og þurrkuðum ferskjum frá Mömmu, hún kom með afgang handa mér :) rétt nartaði því ég var ekki svöng eftir kaffiboðið.

Bætiefni : er að taka life extetion all flesta daga, og D-vít + fiski olíu flesta...eitthvað gloppótt samt, en er að leggja mig fram.

Hreyfing: Bara skúra skrúppa, ryksuga, þvo og þurrka...ekkert bara svo sem!

Er vefjagigt "ólæknandi"? Hvað er hægt að gera....

Þegar mér fór að verða ljóst að verkirnir og líkamlegu óþægindin sem ég þjáðist af voru af öllum líkindum vefjagigt, fór ég að lesa mig til, mest á íslenskum síðum. Þar er oftast sagt það sama og bæði heimilis og gigtarlæknirinn sögðu, sjúkdómurinn er ólæknandi, hann er ekki vefrænn og ekki mælanlegur í neinum blóðprufum eða öðrum testum sem íslenskt heilbrigðistkerfi býður uppá og þar af leiðandi geta læknar ekki boðið okkur nein lyf sem "lækna" sjúkdóminn, aðeins lyf sem slá á einkennin - svefnlyf og verkjalyf.

Ég á systir sem er snillingur, hún er mesti grúskari sem ég þekki. Hún er alltaf að leita svara, til að hjálpa sjálfri sér með hin ýmsu vandamál andleg og líkmaleg og til að hjálpa öðrum. Hún var ekki lengi að finna lesningu fyrir mig, sem hún kom með útprentaða og snyrtilega heftaða saman. Ég þakkaði pent og lagði blöðin frá mér...svo gleymdi ég þeim. Þau lentu í bunka af blöðum, gluggapósti og öðru blaðarusli og ég las hana ekki. En svo fann ég greinina aftur og setti hana á náttborðið, og þegar ég var komin í ból um kveldið las ég hana og fylltist mikilum áhuga og áfergju eftir því sem ég las lengra.

Nú langar mér að deila með þeim sem vilja heyra meira:

"Ofvirkar" taugar eru eitt einkenna vefjagigtar ekki ástæða hennar.

Ástæðan er einstaklingsbundin, ekki sama orsökin sem leysir þennan lúmska vágest úr læðingi. Það sem við eigum þó sennilega öll sameiginlegt er STRESS/streita, og næstum því allir sem þjást af vefjagigt hafa upplifað amk einn MJÖG streitu mikinn atburð eða orðið fyrir einhverskonar andlegu áfalli í gegnum lífið.
Þá er talað um stress og áhrif þess á líkaman:
- það eykur framleiðslu streituhormóna frá nýrnahettum
- það eykur þörf á magnesíum - enda eru sterk tengsl milli vefjagigtar og magnesíum.
- það eykur sindurefni (free radicals) sem skaðar frumur, vefi og æðar.
- Það eykur þörf á orku innan fruma.
- Það breytir hormóna "munstri" (td. hlutföllum)
- Veldur bólgum í meltingarvegi
- Hefur áhrif á viðbrögð ónæmiskefisins.

Flestir læknar (og lyfin sem þeir ávísa) leggja ekki áherslu á að greina vefjagigtina rétt, heldur einungis að draga úr stressi/álagi "hérna taktu smá svefnlyf" "þetta er allt í hausnum á þér" "þú ert bara útkeyð" og að vissuleiti er það rétt hjá þeim. Þú ert útkeyrð , þreytt, þunglynd, svefnvana, orkulaus en það eru bara einkennin sem sjást og finnast.

Stress er upphaf og viðheldur heilsufarslegum spíral sem snýst niður á við.
Það er hægt að snúa þessari þróun við.

Jú við þurfum að læra að díla við stress og draga úr álagi, en það eru mörg ALVÖRU vandamál í líkamanum okkar sem auka á álagið og streituna en fer alveg framhjá læknum þrátt fyrir miklar rannsóknir. Þetta eru nokkur atriði sem ég mun taka fyrir hér lið fyrir lið í nokkrum hollum. Byrjum á...

Oxunar Streita - Oxidative Stress

Oxunar stress er tæknilegt orð yfir það sem gerist í líkamanum þegar við upplifum allt sem kallast stress/álag. Oxunar stress er ein af ástæðunum fyrir ofvirkum taugaviðbrögðum (verkjum) í líkama fólks með vefjagigt - það veldur einnig örðum skemmdum í líkamanum td. krabbameini. Það kannast flestir við sindurefni (free radicals), þetta eru efni sem losna úr læðingi við allar tegundir af stressi. Þessvegna er svona mikið talað um Andoxunarefni og mikilvægi þeirra. Fyrir Vefjagigtar sjúklinga er ekki alveg nóg að borða meira brokkólí, þó það sé góð hugmynd, og mikilvægt að fá sem mest að grænmeti og ávöxtum. Það er nauðsynleg fyrir fólk með vefjagigt að taka andoxunar efni í fæðubótar formi. Hér kemur listi yfir góð Andoxunar efni sem gott að taka:

- Lipoic Acid: er fitusýra sem inniheldur sulfur,hún finnst í hverri einustu frumu líkamans og nauðsynleg við framleiðslu orku. Lipoic Acid hefur það fram yfir önnur andoxunar efni að virka bæði í vatns og fituvefjum. E-vitamin virkar td bara í fituvef og C-vitamín bara í vatni.

- Selenium: er snefil steinefni en mikilvægt til að viðhalda góðri heilsu. Það binst próteinum og verður þá að öflugu andoxunar enzími. Seleníum er einnig mikilvægt fyrir starfssemi skjaldkirtils og er mikilvægur þáttur í ónæmiskerfinu.

- Coenzyme Q-10: spilar aðalhlutverkið í orkuframleiðslu (ATP) í frumum líkamans. Q-10 er ráðalagt og notað að fólki með allskyns hjartavandamál/sjúkdóma,td. til að koma í veg fyrir hjartaáfall og eða að jafna sig eftir hjartaáfall. Fólk með háan blóðþrýsting, sykursýki, tannholdssjúkdóma, nýrnabilanir, mígreni, parkinson, ofþyngd og til að draga úr aukavergunum lyfja.

C-vítamín með D-Ribose: C vítamínið er andoxunarefni og D-Ribose er teg. af sykri (unnið úr glucosa)sem sýnt hefur að auki magns ATP (orkuefni) í líkamanum. Rannsóknir hafa sýnt að CFS sjúklingar hafi óvenju lágt magn af ATP. D-Ribose getur, aukið orku í vöðvum og hjarta, dregið úr síþreytu og aukið styrk veikra vöðva. Ribose hjálpar líkamanum að endurvinna ATP, og nota eigin orku betur. D-ribose bætir svefn, örþreytu, einbeitingu, verki og eykur vellíðan.

Ef þér langar að líða betur er algjört MÖST að draga úr streitu og taka andoxunarefni!!!

Vika 4. matardagbók

Mánudagur:

Morgun: Súkkulaði-shake

Ath: Var veik í gær, svo mig langaði í eitthvað djúsi í morgunsárið. Við gerum stundum svona shake hér heima, srákunum finnst þetta gott og hann er töluvert hollari en úr ísbúð. Í dag setti ég Banana, frosin og ófrosin, haframjólk, kakóduft (Sollu), hnetusmjör (Sollu), smá kanill (má sleppa), tahini (sesamsmjör - kalk, prótein og góð fita), nokkrar döður...mmmm.

Hádegi: Delba brauð með heimagerðu pestói og linsoðnu eggi.

Ath: Pestóið mitt : Ein krukka sólþurrkaðir tómatar + olían (ekki alveg öll), 2-3 hvítlauksrif og nokkrar hnetur eða möndlur (cashew eru góðar, hlutlausar)og svo slatti ólífuolía, blandað í vita mix eða matvinnsluvél. Auðvelt og rooooosa gott. Nota þetta td alltaf á heimagerða pizzu í stað sósu 100 sinnum betra :)

Man ekki hvað ég borðaði fram að kvöld mat...held bara hnetur :S

Kvöld: Hamborgara veisla...

Ath: Notaði spelt brauð frá Brauðhúsinu í stað borgarbrauðs, setti helling af grænmeti, grillaðan ananas og smá majó og sinnep, bakaðar franskar...fínt.

Hreyfing: Labb með vagn og Esju.

Bætiefni: Life Extention, fiski olía og D-vítamín fljótandi (fæst í góð heilsa, njálsgötu)

Þriðjudagur:

Morgun: Bláberja smoothie - bláber, banani, haframjólk, hveitikím, vanilluduft, tahini.

Hádegi: Delba með pestó og papriku og safi ný pressaður

Kaffi: þrjú stk fin crisp hrökkbrauð með smjöri og safi.

Snakk: hnetubland m/ goiji

Kvöld: Ragú frá Abruzzo með spelt pasta.
ATH: http://www.mbl.is/matur/uppskriftir/351/lambakjots-ragu-fra-abruzzo/
notaði folalda kjöt í stað lambs og sleppti hvítvíninu

Bætiefni: Fiskiolía, D-vít, Life Extention og Magnesínum duft (Slökun - Calm) í heitt vatn fyrir svefninn.

Hreyfing: Labb og PP

Miðvikudagur:

Morgun: Safi - Sellerí, gúrka, spínat, epli, sítróna og engifer. Delba með pestó og eggi.

Hádegi: Hýðis-grjón með eggi, tamarí og ólífuolíu og safinn.

Snakk: Nokkrar hnetur

Kaffi: hvannarbrauð frá brauðhúsi m/ísl smjöri

Kvöld: Ýsa, lífrænar kartöflur, rófustappa og hamsatólg...nostalgía :)

Nammi: Sykurlaust súkkulaði Dark violet frá Perlége (fjarðarkaup) dýrt en mjöööög gott...við konur bara verðum að fá smá súkkulaði stundum...oft ;)

Bætiefni: Fiskiolía, D-vit, Life-extention, magnesíum.

hreyfing labb og PP

Líðan þessa daga: Orkan í fínu lagi þrátt fyrir slitinn og misgóðan svefn. Ég finn greinilegan mun á mér ef ég sef vel, þá er ég bara furðuspræk og get þess vegna sleppt morgun sturtunni. Verkirnirnir og stirðleikinn eru enn til staðar, en einn góðan veðurdag...

Um Xylitol

Þeir sem lesa dagbókina hafa nú oft séð mig tala um xylitol, ég nota það töluvert í sykurleysinu til að sæta líf mitt. Mér finnst það bragðast alveg eins og sykur og áferðin er næstum sú sama, bráðnar aðeins hraðar í munni.

Hér kemur smá fróðelikur um Xylitol fyrir þá sem vita ekkert hvað það er eða halda að það sé svipað og Canderel (sem það er EKKI)

Xylitol er nátturulegur "sykur" sem finnst m.a í hindberjum, jarðaberjum, plómum, maískorni og sveppum. Xyitol er líka framleitt af líkamanum sjálfum við niðurbrot á glúkósa, u.þ.b 10 -15 gr á dag. Xylitol sem selt er til neyslu er hinsvegar unnið úr berki af Birkitrjám. Og þó svo það sé "unnin" vara er það álitið Náttúrulegt vegna þess að kemísk bygging þess unna er nákvæmlega sú sama og náttúrlega efnisins. Xylitol er lyktarlaus kristallað duft, er jafn sætt og svipar til sykurs í áferð en innheldur 40% færri kalóríur. Líkaminn meltir það eins og kolvetni en mikið hægar en súkrósa. Glysemic stuðull Xylitols er 7 en sykurs er 64 af 100.

Vegna efnasamsettningar Xylitols, geta margar bakteríur, m.a Streptococcus ekki melt það (notað sem fæðu) sem er aðal ástæðan fyrir því að Xylitol kemur í veg fyrir skemmdir í tönnum, kinnholu-sýkingar og eyrnasýkingar í börnum. Í dag er sett Xylitol í öll helstu tyggigúmmi eins og Extra, en það inniheldur því miður líka gervisætu eins og aspartam. Í heilsubúðum fást Spry tyggjó sem eru eingöngu sætt með Xylitol.

Xyltiol þykkir góður kostur fyrir fólk með sykursýki, líkaminn þarf ekki insulin til að umbreyta xylitoli. Og fyrir fólk með Candida sýkingu, því það hamlar vexti gersveppa. Xylitol eykur upptöku B-vitamína og kalks og dregur því úr líkum á beinþynningu.

Xyltol hefur ekki marga galla, það er dýrara en sykur og fæst ekki öllum búðum, held ég geti þó bókað að það fæst ódýrast í Fjarðarkaupun hér á landi eins og svo margar aðrar heilsuvörur. Ef maður er ekki vanur að nota Xyltiol getur maður fengið tímabundin óþægindi í meltingarvegi (aðalega vindverki) en líkaminn aðlagast því og eykur framleiðslu á ensímum sem eru nauðsynleg til niðubrots.

Ég kaup stóran poka og fer sparlega með, hann endist mér í töluverðan tíma.

Adios

Dagbók vika 3. Fimmtudagur- Sunnudagur

Tíminn flýgur og lítill tími gefst til skrifa. Ég hélt það yðri auðvelt að skrifa daglega og þá hvern dag fyrir sig, en það hefur ekki tekist hingað til.

Ég fer hratt yfir sögu núna því dagarnir eru margir.

Fimmtudagur:

Morgun: Quinoa grautur - tvisvar fyrir og eftir labb.

Hádegi: Afgangur af Grænmetissúpu og tvær speltbrauðsneiðar

Ég man ekki hvað ég borðaði meira þennan daginn því ég gleymdi að skrifa það hjá mér, en ég veit bara að það var svipaður matseðill og dagana á undan. Var á miklum þvælingi þennan dag, ungbarnanudd, brjóstaráðgjöf og búðarferðir, svo við mæðgur vorum dauðþreyttar. Svo þreyttar að daginn eftir ákváðum við að sleppa Krílasálma tónlistarnámskeiðinu og sofa út.

Föstudagur:

Svaf út, til 10 amk. Það var yndislegt og truflun í algjöru lágmarki. Drengir og kallinn tiltölulega lágværir í morgunsárið og hundurinn gelti ekkert :)

Fór svo í langann og strangan labbitúr með Mæju systir, færðin var frekar þung svo þetta var hálfgert "kerrupúl" og annsi hressandi. Svona morgunstundir út undir berum himni og spjall um heima og geima við siss er þerapía í sjálfu sér, góð leið til að af stessa sig :)

Svo sótti ég mann og börn og dreif alla heim að pakka í töskur, því helginni skildi eyða í fæðingarbæ mínum Blönduósi.

Ég man ekkert hvað ég át þennan daginn, nema grænmetissúpuna með siss í hádeginu og Smootie um morguninn, en ég hélt mér við prógrammið og tók með mér nokkrar nauðsynjar í poka til Blönduós...Haframjólk, delba brauð, hummus, hnetubland og lifur.

Hingað til hefur það að fara Norður til Pabba, Strúnu og Ömmu elskulegrar að ég kem undantekningalaust heim amk 2 kg þyngri og þetta eru engar ýkur. Mataræðið á Blönduósi er ekki eins og ég er vön, þetta er svona ekta sveita stemming og heimsóknin gengur alltaf út að það að láta troða í sig endalaust og taka endalaust við. Og það byrjaði ekkert öðruvísi í þetta sinn...
Það var hlaðborð við komu okkar kl 21:40, ég var svöng og fékk mér Delba með hummus og te, en svo kallaði ein sneið af Döðlubrauði með smjöri á mig og ég lét eftir því og át það. Já varla lent og ballið byrjað.

Laugardagur til lukku...eða hvað

Morgun: Ég er staðföst og fæ mér hafragraut með haframjólk og kanil. Hinir gúffa í sig Lucky Charms, ég er eins og krakki og finnst það gott, horfði kallinn minn horn auga meðan hann kjammsaði á því og marg bauð honum hafragraut sem hann afþakkaði pent.

Hádegi: Steiktur fiskur með kartöflum og lauk. Á boðstólnum var líka hrásalat, kokteilsósa og remúlaði. Ég bræddi smjör út á fiskinn en fékk mér smá hrásalt með...ekki annað grænmeti í boði. Pabbi át fiskinn með smjöri, kokteilsósu og remúlaði....svo skilur hann ekkert í þessari ístru :S

Svo kom kaffi: Hjá ömmu...og aldrei þessu vant voru ekki tonn af kökum og sætabrauði á boðstólnum, amma hafði keypt fullt af bláberjum, jarðaberjum, vínberjum og ferskjum, skar niður og þeytti rjóma...en svo kom ísinn, hún á alltaf ís. Og ég hefði getað látið ávextina og rjóman duga...en fékk mér slettu af heimlöguðum ís,annað hefði verið móðgun. Viti menn...ég var varla búin að kyngja ísnum þegar ég var orðin þreytt og orkulaus...syfjuð sem ég hef ekki verið í langan tíma.

Svo kom kaffi no 2: Heima hjá Pabba, þar var borin fram dásamleg döðluterta með heitri karmellusósu og rjóma. Ég varð að fá mér...annað hefði verið móðgun en ég varð bara þreyttari...alveg búin á því.

Kvöldið; Þorrablót og ég kveið því. Mér finnst þorramatur ekki góður en vonaðist til að fá saltkjöt og kannski smá harðfisk. En á blótinu var ekkert saltkjöt og ég varð að sætta mig við smá hangikjöt (ekki spennt fyrir því), smá síld (hún er góð, en alltaf í sykurlegi), smá hákarl (það er bara hefð), smá harðfisk (hann var bragðlaus)smá laufabrauð (það var seigt) svo ég bara demdi mér í sviðasultuna, borðaði vel af henni þó ég hafi í raun aldrei étið hana. Og vatn meðan hinir drukku úr belju...þýskri belju.

Mig langar að minnast á eitt, ég sat á móti sænskri stelpu, hún var að smakka þorramat í fyrsta skipti og mikið grín og gaman í kringum það. En svo fór hún að fyrra bragði að tala um hvað íslendingar notuðu mikinn sykur, að það væri sykur í öllu. Og hún benti á það sem var á disknum hennar, rófustöppuna, kartöflumúsina,síldin, eplasalatið, rúgbrauðið og hugsanlega flatkökurnar og laufabrauðið...allt sykrað. Og hún sagði að í Svíþjóð væri ekki notaður svona mikill sykur í allt. Þetta er alveg rétt og ég hef oft spáð í þetta, við stráum sykri á slátur og mamma sykraði gúrkurnar í gamla daga, við átum appelsínur með sykurmolum, rabbabara með sykri, sykrum út á kornflex og cherrios, sykur í kaffi og te, sykur á pönnsur og vöfflur, sykur út á grauta, sykur út á skyr...við erum sennilega sykurætasta þjóð í heimi.

Nema hvað, fór heim af blóti með ónot í maga og eyddi svo "þorranum" af nóttinni á dollunni með pípandi og stakk svo hausnum í dolluna og spjó. Og ég get sagt það eins og ég sit hér og skrifa "ég mun aldrei borða þorramat aftur" æld sviðasulta er ógeðsleg. Þetta var skelfilegt nótt, því á milli klósettferða gaf ég brjóst...og svo ég var ekki heima hjá mér. Mér tókst að draga pabba og Strúnu með mér í svaðið og undir morgun fórum við til skiptis á klósettið en okkur tókst til allrar lukku að forðast alla árekstra og slys.

Sunnudagur:

Morgun:Heilsan mjög tæp, fékk að sofa aðeins lengur, kallinn tók baby vaktina, þegar ég vaknaði gat ég drukkið te og smá kristal með sítrónu.

Kaffi: Ákvað að "drulla" mér heim, kom ristabrauði og ávaxtasafa niður, rétt til að fá orku fyrir heimferð. Þetta er fyrsta Blönduós ferðin sem ég kem heim léttari en þegar ég fór...skildi allt gummsið eftir í klósettinu á Húnabrautinni.

Kvöld: Var svo ánægð að komast í safapressuna mína aftur...hún er lífsnauðsynleg í veikindum.
Safi: Epli, sítróna, sellerí og engifer... gerir kraftaverk og mér leið strax MIKIÐ betur.
Seinna: Haframjöl, rúsínur, xylitol, kakó og haframjólk - það sem ég hafði lyst á.
Enn seinna: Nartaði í smá popp og drakk meiri safa, svo skipaði Högna mér í bólið :)

Dagbók vika 3. Matseðill þirðjud og miðvikud.

Það er alveg magnað hvað það er mikil vinna að vera í fæðingarorlofi...ekkert orlof hér, bara ótrúlega mikið að gera og ekki alltaf tími til að hanga í tölvu og blogga :)

En hér koma Þriðjudagur og Miðvikudagur saman í einni færslu.

Þriðjudagur:

Morgun: Basískur safi ala Solla. Sellerí, sítróna,gúrka, engifer og ég setti peru til að sæta smá ;) nokkrar valhnetur með svo ég héldi velli í morgun labbinu.

Hádegi: Þrír litlir slátur bitar (endur hitaðir frá kvöldi áður), tvö egg steikt á pönnu og meiri basískur safi frá morgni.

Kaffi: Impossible pie og te

Snakk: Safa glas - restin

Kvöld: Grænmetis súpa ala Kela (ég sjálf:) rosa góð þó ég segi sjálf frá! ásamt nokkrum sneiðum af spelt brauði með íslensku smjöri. Taldi ekki hve margar enda erum við ekki að telja kalóríur hér :P segi þetta bara því ég er svo mikið átvagl

Hreyfing: Fór út í góðan göngutúr loksins, hefur verið erfitt sökum veðurs, hef þurft að snúa heim í þvílíku slagviðri að vagninn fauk næstum.

Bætiefni: Fiskiolía, D-vitamin, magnesíum (f/ svefn) og Life Extetion.

Miðvikudagur

Morgun: Smoothie/Shake/Boost m/Kókosvatn, bananar, hindber, kókosolía, kanill, vanilluduft og smá cashewhnetur.

Bætiefni: Fiskiolía, D-vit, gleymdi Life Extetion :S

Hádegi: Grænmetissúpan góða og hafra-speltbrauð

ATH: Geri alltaf góðan skammt af súpu, vonast til að kallarnir mínir borði ekki of mikið af henni og á hana svo í 2-3 daga á eftir :)Þeim finnst hún nefnilega góð en eru ekkert trillaðir í hana...gott fyrir mig ;)

Kaffi: Síðasta sneiðin af impossible pie-inu mínu, baka hana ekki aftur alveg strax, tek smá imposs-pásu.

Kvöld: Folalda snitzel steikt á grillpönnu, vatns steikt brokkólí og kúrbítur, sætarkartöflur í ofni og sveppasósa úr kókosmjólk og Kallo sveppatening.

ATH: Þetta er einfaldasti matur í heimi, en það er svo skondið að í hvert sinn sem ég hef þetta á borðum þá heyrist í mínum mönnum "mmm er KJÖT í matinn" og ummm þetta er svo gott. Því þó ég eldi oft kjöt þá er ekki allt kjöt KJÖT og þetta finnst karkynsverunum þrem sem ég fæði flest kvöld, algjör æði :)

Er svo með margt upp í erminni sem mig langar að segja frá, ekki bara telja upp það sem ég set ofan í mig, margt sem tengist vefjagigtinni sem vert er að skoða.

Svo verð ég að gefnu tilefni að afsaka stafsettninga villurnar mínar, ég er með svona stafavíxl heilkenni og mjög fljótfær og alltaf að flýta mér svo þær fá oft að fljóta með...eyðilagði brandar í síðasta bloggi og allt.

Jæja við Högna erum á leið í ungbarnanudd...síðasti tíminn og best að njóta hans vel.

Dagbók vika 3.

Vika 3, Mánudagur:

Morgun: Smoothie úr Bláberjum, Cashewhnetum, Bönönum, Haframjólk (ódýrust í Bónus), kókosolía 1 tsk og vanilluduft.

ATH: ég set cashew hneturnar útí því ég vil alltaf hafa smá prótein í morgunmatnum mínum svo ég fái ekki blóðsykurfall, cashew eru mjúkar og bragðdaufar og henta því vel í svona blandað drykki. Ég tek þó fram að ég á Vita-mix blandara, sem eru ein bestu kaup sem ég hef gert (enda fékk ég hann á 30.000 kr lítið notaðann, stál heppin ég, kosta um 90.000 kr nýr í dag)

Hádegi: Hýðishrísgrjón á wog, með spínati og Cashew og smá Tamarí. Safi úr eplum, rauðrófu, sítrónu og gúrku.

Ath: Ég á gufusjóðara sem ég nota nánast eingöngu til að sjóða grjónin mín og Quinoa, ég sýð mikið í einu og geymi svo í íláti í ískáp (mörg í;) og nota eftir þörfum. Þetta spara mér hellins tíma og fyrirhöfn. Það tekur um 40 mín að sjóða grjón á þennan hátt og maður getur skilið þau eftir og þarf ekki að hafa áhyggjur af að lækka hita né að þau brenni við. Gufusjóðari...önnur brilliant kaup ;)

Snakk : Avocado - étið með skeið beint úr skelinni ;)

Kaffi: Impossible pie (spelt, egg, haframjólk, smjör, vanilludropar og xylitiol-optional) og Holle mjólkurauakndi te.

Kvöld: Steikt blóðmör og lifrapylsa og pínu sviðasulta.

Ath: Fór út í Bónus í smá stressi, kl orðin margt og daman mín ekki hress heima hjá pabba. Greip það næsta sem ég sá...soðið ss slátur og hljóp út án þess að borga..nei ekki alveg :) en ég of lág í blóði svo ég fæ mér slátur annað slagið þó það sé oggu pons hveiti í því og annað jukk. Svo er það bara svoooo gott. Á mínu heimili ólst ég upp við að allt slátur var étið með sykri. Ég get auðvitað ekki borðað það öðruvísi svo enn og aftur nota ég xylitolið góða í stað sykurs. Mig langaði að hafa sætakartöflustöppu með þessu en hafði ekki tíma til að græja hana, hún er mjög góð með slátri, er svona eins og kartöflumús og rófustappa saman í einni kássu....bara betra og hollara :)

Kvöldsnakk?: Leyfði syni mínum að baka smákökur úr síðasta tilbúna-deig-pakkanum frá jólum, lyktin var góð og freistandi en ég stakk upp í mig einum mola af sykurlausu súkkulaði sem svona smá plástur á sárið ;)

Bætiefni: Tók Fiskiolíu 2 msk og 1 msk D-vít fljótandi og tvær töflur Life Extention.
Life Extention: Góð vefjagigtar kona mælti með þessu bætiefni og sagði sig finna stórmun á því. Life extetion innheldur:
RNA og DNA -nucleic acid, þegar líkaminn er undir miklu álagi og að eldast, getur hann ekki sjálfur framleitt nægt magn af nucleic acid sem eru nauðsynlegar til framleiða nýjar og heilbrigðar frumur.
SOD - mjög öflugt andoxunar efni sem verndar frumur fyrir oxunar-skemmdum og er eitt að þremur aðal andoxunar-ensínum sem fyrir finnast í frumunum okkar.
Hefur verið notað til að lækna slit og liðagigt og skemmdir á heilavef m.a.
WILD YAM: Er oftast notað við kvennkvillum eins og vandamálum á tengdum breytingarskeiði og fyrirtíðarspennu, en er einnig gott við vöðvaspennu og verkjum...nota bene.
C-VITAMIN og bioflavíðnóa - sem eru "aðstoðar" efni í þessari samsettningu

Var lengi að sofna svo ég skellti í mig 3 stk Triple magnesium Complex...og sofnaði zzzzz :)